სავაჭრო პლატფორმის გამოყენების წესები და პირობები

ძალაში შესვლის თარიღი: 30.04.2026

ვებგვერდი: https://sushiwoki.ge/

კომპანია: სს „სუშიმანია“ (ს/კ: 405252471)

იურიდიული მისამართი: თბილისი, მიცკევიჩისა და კუტუზოვის ქუჩების კუთხე N 19

მოგესალმებით სს „სუშიმანიას“ (შემდგომში „კომპანია“, „ჩვენ“ ან „სუში 24“, „სუში ვოკი“) ოფიციალურ ვებგვერდზე.

• ოფერტა - წინამდებარე დოკუმენტი, კერძოდ კი სავაჭრო პლატფორმის ოფერტა.

• სავაჭრო პლატფორმა (ვებგვერდი/აპლიკაცია) - სერვისი, რომელიც მომხმარებელს სთავაზობს პროდუქტების შესახებ ინფორმაციაზე წვდომას, პროდუქტების არჩევის და შეძენის შესაძლებლობას.

• მომხმარებელი - ნებისმიერი ქმედუნარიანი, 18 წელს მიღწეული ფიზიკური პირი, რომელიც იყენებს სავაჭრო პლატფორმას საქონლის შესაკვეთად.

• პირადი კაბინეტი - სავაჭრო პლატფორმის პერსონალური განყოფილება, რომელზე წვდომაც არ აქვს მესამე მხარეს და რომელიც მომხმარებელს სთავაზობს შეკვეთების განთავსების შესაძლებლობას.

• აგრეგატორი კომპანია - მესამე პირი (მაგალითად: Glovo, Wolt, Bolt და ა.შ.), რომელიც ფლობს ელექტრონულ-კომერციულ პლატფორმას (მობილურ აპლიკაციას ან/და ვებგვერდს), რომელიც უზრუნველყოფს მომხმარებლისათვის პროდუქციის ფიზიკურ მიწოდებას.

• ჩარჯბექი (Chargeback) - ბანკის მეშვეობით თანხის უკან დაბრუნების (გამოთხოვის) პროცედურა.

• სავაჭრო პლატფორმაზე შეკვეთის განსათავსებლად მომხმარებელს შეუძლია გაიაროს რეგისტრაცია ან შეუკვეთოს როგორც სტუმარმა (რეგისტრაციის გარეშე).

• სავაჭრო პლატფორმაზე რეგისტრაცია და ავტორიზაცია ხორციელდება ტელეფონის ნომრის და ერთჯერადი კოდის მეშვეობით, რომელსაც კომპანია მომხმარებელს უგზავნის SMS-შეტყობინების ან push-შეტყობინების სახით.

• ერთი ტელეფონის ნომრის გამოყენებით ორი პირადი კაბინეტის შექმნა შეუძლებელია.

• რეგისტრაციის შემთხვევაში, თქვენ პასუხისმგებელი ხართ თქვენი პაროლისა და ანგარიშის კონფიდენციალურობის დაცვაზე. ნებისმიერი ქმედება, რომელიც განხორციელდება თქვენი ანგარიშით, ითვლება თქვენს მიერ შესრულებულად.

• აკრძალულია პირად კაბინეტზე წვდომის უფლების მესამე მხარისთვის გადაცემა. ნებისმიერი სახის უარყოფით შედეგებზე, მათ შორის მატერიალურ ზარალზე პასუხისმგებლობა ეკისრება მომხმარებელს.

• პირადი კაბინეტის რეგისტრაციისთვის გამოყენებული ტელეფონის ნომრის დაკარგვის შემთხვევაში, პირად კაბინეტზე წვდომის აღდგენა შეუძლებელია.

• ჩვენი სერვისებით სარგებლობა შეუძლიათ 18 წელს მიღწეულ, ქმედუნარიან პირებს. 18 წლამდე ასაკის პირებს შეკვეთის გაფორმება შეუძლიათ მხოლოდ მშობლის ან კანონიერი წარმომადგენლის ჩართულობითა და თანხმობით.

• მომხმარებლის წარმოდგენილი მონაცემები უნდა იყოს სანდო, უახლესი და არ უნდა ეწინააღმდეგებოდეს კანონმდებლობას.

• მომხმარებლისთვის ხელმისაწვდომია პირად კაბინეტში შეტყობინებების მართვის ფუნქციონალი (სერვისის Push-შეტყობინებები და მარკეტინგული SMS-ები).

• მომხმარებელს გააჩნია ფუნქციური შესაძლებლობა, პირად კაბინეტში დამოუკიდებლად წაშალოს ბანკის ბარათის მონაცემები.

• ბანკის ბარათის მონაცემები იშლება წაშლის მოთხოვნის გაკეთებიდან არაუგვიანეს 10 (ათი) სამუშაო დღის ვადაში, იმ შემთხვევაში, თუ მომხმარებელს არ გააჩნია ვალდებულებები კომპანიის მიმართ და არ არსებობს ეჭვი თაღლითურ ქმედებებთან დაკავშირებით.

• მომხმარებლისთვის ხელმისაწვდომია პირადი კაბინეტის წაშლის ფუნქცია, თუმცა ის შეიძლება შეიზღუდოს, თუ მომხმარებელს აქვს მიწოდების აქტიური შეკვეთა ან დავალიანება.

• ვებგვერდზე განთავსებული პროდუქციის ფოტოები შესაძლოა ატარებდეს საილუსტრაციო ხასიათს. რეალური პროდუქტის ვიზუალი (გაფორმება) შესაძლოა არაარსებითად განსხვავდებოდეს ფოტოსგან, რაც არ წარმოადგენს პროდუქტის ხარვეზს.

• შეკვეთის გაფორმება ითვლება თქვენს მიერ კომპანიისთვის შეთავაზებულ ოფერტად. ხელშეკრულება დადებულად ითვლება მას შემდეგ, რაც კომპანია დაგიდასტურებთ შეკვეთის მიღებას (სმს, ელ-ფოსტის ან საიტზე შეტყობინების სახით).

• შეკვეთის გაფორმება ითვლება მომხმარებლის მიერ კომპანიისთვის შეთავაზებულ ოფერტად, ხოლო ხელშეკრულება დადებულად ითვლება მას შემდეგ, რაც კომპანია დაადასტურებს შეკვეთის მიღებას სმს-ის, ელ-ფოსტის ან საიტზე შეტყობინების სახით.

• შეკვეთის უზრუნველყოფის მიზნით, მომხმარებელმა შესაძლოა მიიღოს Push-შეტყობინებები ან სატელეფონო ზარები მის მიერ მითითებულ ნომერზე.

• კომპანია იტოვებს უფლებას, გააუქმოს შეკვეთა, თუ აღმოჩნდება, რომ სასურველი ინგრედიენტი ამოწურულია, ან სისტემური ხარვეზის გამო პროდუქტზე მითითებული იყო არასწორი ფასი (თანხა სრულად დაგიბრუნდებათ).

• ვებგვერდზე მითითებული ფასები მოცემულია ეროვნულ ვალუტაში (ლარში) და მოიცავს დამატებითი ღირებულების გადასახადს (დღგ).

• მიტანის სერვისის ღირებულება ინდივიდუალურია, გამოითვლება მისამართის/ზონის მიხედვით და ემატება შეკვეთის საერთო ჯამს მიწოდების აგრეგატორი კომპანიის წესების მიხედვით (Glovo, Wolt, Bolt და ა.შ.).

• ანგარიშსწორება ხორციელდება უნაღდო ფორმით: Visa, MasterCard, American Express (AMEX) ბარათებით ან ელექტრონული საფულით (UniPay). ნაღდი ანგარიშსწორება დასაშვებია მხოლოდ კურიერთან ჩაბარებისას (თუ ეს ოფცია ვებგვერდზე აქტიურია).

• ონლაინ გადახდები ხორციელდება პარტნიორი ბანკის/საგადახდო პროვაიდერის დაცული სისტემის გავლით. ჩვენ არ ვინახავთ თქვენი ბარათის სრულ მონაცემებს.

• თუ რაიმე მიზეზის გამო ვერ განხორციელდება პროდუქტის საფასურის ჩამოჭრა შეკვეთის გაფორმების შემდეგ, კომპანია უფლებამოსილია გამოიყენოს მომხმარებლის მიერ სავაჭრო პლატფორმაზე მითითებული ნებისმიერი საბანკო ბარათის ინფორმაცია და ჩამოჭრას თანხა მომხმარებლის წინასწარი გაფრთხილების გარეშე.

• თანხის ჩამოჭრის დროს კომპანია არ დააკისრებს მომხმარებელს რაიმე სახის დამატებით საკომისიოს.

• მიწოდება ხორციელდება მხოლოდ კომპანიის მიერ ან აგრეგატორი კომპანიის მიერ წინასწარ განსაზღვრულ ზონებში.

• შეკვეთის მიწოდების დრო საორიენტაციოა. შეფერხება შესაძლოა გამოწვეული იყოს საცობებით, უამინდობით ან შეკვეთების გადატვირთულობით და არ წარმოადგენს კომპანიის პასუხისმგებლობას, თუ შეკვეთის მიწოდება ხორციელდება აგრეგატორი კომპანიის მიერ.

• შეკვეთილ საქონელზე საკუთრების უფლება და დაზიანების რისკი მომხმარებელზე გადადის მისთვის საქონლის ფაქტიური გადაცემის მომენტიდან.

• თუ კურიერი ვერ დაგიკავშირდათ მითითებულ ნომერზე ან მისამართზე, იგი ადგილზე დაგელოდებათ არაუმეტეს 10 წუთისა. ამ ვადის გასვლის შემდეგ შეკვეთა უქმდება და პროდუქტის მალფუჭებადი ხასიათიდან გამომდინარე, ონლაინ გადახდილი თანხა უკან არ ბრუნდება.

• გამონაკლისი 14-დღიან დაბრუნებაზე: კანონმდებლობის შესაბამისად, 14-დღიანი უპირობო დაბრუნების უფლება არ ვრცელდება მალფუჭებად პროდუქციაზე (მზა საკვები). გადაფიქრების მიზეზით მზა საკვების დაბრუნება არ დაიშვება.

• შეკვეთის გაუქმება დაწყებამდე: მომხმარებელს აქვს შეკვეთის გაუქმების უფლება მხოლოდ საქონლის მიწოდების/მომზადების დაწყებამდე, ან შეკვეთის განთავსებიდან 60 წუთის განმავლობაში (რომელიც უფრო ადრე დადგება).

• ხარვეზიანი შეკვეთა: თქვენ ვალდებული ხართ შეკვეთის შიგთავსი შეამოწმოთ კურიერისგან ჩაბარებისთანავე. თუ აღმოაჩენთ, რომ:

მიღებული პროდუქტი არ შეესაბამება თქვენს შეკვეთას;

პროდუქტი აშკარად დაზიანებული ან უხარისხოა;

შეკვეთას აკლია გარკვეული პროდუქტი.

ასეთ შემთხვევაში, დაუყოვნებლივ (ჩაბარებიდან არაუგვიანეს 15 წუთისა) უნდა დაგვიკავშირდეთ ნომერზე: 0322050505.

• Chargeback (ჩარჯბექი): მომხმარებლის მხრიდან საგადახდო სისტემის/ბანკის მეშვეობით თანხის იძულებითი დაბრუნების მოთხოვნის (Chargeback) დაფიქსირებისას, პროვაიდერი ბლოკავს შესაბამის თანხას. კომპანია უფლებამოსილია წარმოადგინოს მიწოდების დამადასტურებელი დოკუმენტაცია, რომელსაც ინახავს 5 წლის განმავლობაში, რათა დაადასტუროს მომსახურების გაწევა. თუ ჩარჯბექი მოთხოვნილია უსაფუძვლოდ და დადასტურდება, თანხა და თანმდევი ხარჯები ჩამოიჭრება მომხმარებლის ანგარიშიდან.

• თანხის დაბრუნების შემთხვევაში (როცა ეს დასაშვებია), თანხა უბრუნდება მომხმარებელს პირად კაბინეტში მოთხოვნის დაფიქსირებიდან თოთხმეტი (14) დღის ვადაში.

• კომპანიის პროდუქცია შეიცავს პოტენციურ ალერგენებს, როგორიცაა: თევზი, ზღვის პროდუქტები, სოია, გლუტენი, სეზამის მარცვლები, რძის პროდუქტები.

• მომხმარებელი ვალდებულია შეკვეთამდე თავად გაეცნოს შემადგენლობას და მიუღებლობის შემთხვევაში, დატოვოს შესაბამისი კომენტარი ან დაგვიკავშირდეს.

• კომპანია იხსნის პასუხისმგებლობას ნებისმიერ ალერგიულ რეაქციაზე ან ჯანმრთელობის გაუარესებაზე, თუ მომხმარებელმა წინასწარ არ შეგვატყობინა ალერგიის შესახებ, ან იგნორირება გაუკეთა პროდუქტის შემადგენლობას.

• პლატფორმაზე გამოხმაურების დატოვება შეუძლია მხოლოდ რეგისტრირებულ მომხმარებელს, რომელმაც მიიღო შეკვეთილი პროდუქტი ან უარი თქვა მის ჩაბარებაზე მიღებისას.

• მომხმარებელს ერთ ჯერზე მხოლოდ ერთი გამოხმაურების დატოვება შეუძლია.

• მკაცრად აკრძალულია ისეთი გამოხმაურების გამოქვეყნება, რომელიც შეიცავს: პირთა პერსონალურ/კონფიდენციალურ მონაცემებს (ფოტოების ჩათვლით, სადაც ჩანს სახეები); არანორმატიულ ლექსიკას, შეურაცხმყოფელ გამონათქვამებს; სხვა ვებსაიტების ბმულებს.

• კომპანია იტოვებს უფლებას ნებისმიერ დროს, წინასწარი შეტყობინებისა და მიზეზის მითითების გარეშე წაშალოს წესების დამრღვევი გამოხმაურება.

• გამოხმაურების გამოქვეყნებით, მომხმარებელი ნებაყოფლობით ხდის თავის სახელსა და ტექსტს საჯაროდ ხელმისაწვდომს და თანხმდება, რომ კომპანიამ გამოიყენოს ეს მასალა სარეკლამო მიზნებისთვის საავტორო ჰონორარის გარეშე.

• მომხმარებელი იძლევა გარანტიას, რომ მის მიერ მითითებული საბანკო ბარათი ნამდვილად მას ეკუთვნის ან აქვს მისი განკარგვის კანონიერი უფლება.

• მომხმარებელს ეკრძალება გამოიყენოს ავტომატური ალგორითმები (ბოტები, სკრიპტები) ვებგვერდზე ინფორმაციის შესაგროვებლად.

• წესების დარღვევის, თაღლითური ქმედების, ან შეკვეთის არაერთჯერადად გაუქმების შემთხვევაში, კომპანიას აქვს უფლება დაბლოკოს პლატფორმის მომხმარებლის პირადი კაბინეტი.

• ვებგვერდზე განთავსებული დიზაინი, ლოგოები, ტექსტები, სავაჭრო ნიშნები და პროგრამული კოდი წარმოადგენს კომპანიის ინტელექტუალურ საკუთრებას და აკრძალულია მათი კოპირება, გავრცელება ან მოდიფიკაცია კომერციული ან ნებისმიერი უპირატესობის მიღების მიზნით, წინასწარი წერილობითი თანხმობის გარეშე.

• მხარეები თავისუფლდებიან ვალდებულებების შეუსრულებლობისგან დაუძლეველი ძალის (ფორს-მაჟორის) მოქმედების შემთხვევაში, რაშიც მოიაზრება: სტიქიური უბედურებები, ეპიდემიები, საომარი მოქმედებები, გაფიცვები, სერვერული ან ინტერნეტ-პროვაიდერების გლობალური გათიშვები.

• კომპანიას არ ეკისრება პასუხისმგებლობა კომუნიკაციის სერვისების გაუმართაობაზე, რამაც გამოიწვია ინფორმაციის დაკარგვა.

• კომპანია იტოვებს უფლებას, ნებისმიერ დროს ცალმხრივად შეიტანოს ცვლილებები წინამდებარე წესებში. განახლებული ვერსია ძალაში შედის ვებგვერდზე გამოქვეყნებისთანავე.

• წინამდებარე წესები რეგულირდება და განიმარტება საქართველოს მოქმედი კანონმდებლობის შესაბამისად.

• მხარეთა შორის წამოჭრილი ნებისმიერი დავა ან უთანხმოება პირველ რიგში გადაწყდება მოლაპარაკების გზით, ხოლო შეთანხმების მიუღწევლობის შემთხვევაში – საქართველოს საერთო სასამართლოების მიერ.

თუ გაქვთ კითხვები შეკვეთებთან ან ვებგვერდის წესებთან დაკავშირებით, დაგვიკავშირდით:

• ტელეფონი: 0322050505

• ელ-ფოსტა: info@sushi24.ge

• მისამართი: თბილისი, მიცკევიჩისა და კუტუზოვის ქუჩების კუთხე N 19